Dagelijks besteur

Vanoét ‘t besteur van ‘t Stadscomité, zien Marc Hesselmans en Max Curvers verantwoordelijk veur de duurzaamheid van ós evenemente. Weej kiéke naor straum, led-lampe, aafval en naor ein circulair drink-baeker-systeem um ‘t aafval te minimalisere en te zörge det de gebroékde baekers truuk in ein volgend produksieproces opgenaome kinne waere.

VEILIGHEID

Ut doel van de kemissie veiligheid is um idder jaor ein veilige en gasvreeje Boètezitting te organisere. Dit doon weej neet allein met ós kemissie, maar auk met ondersteuning van ózze partners in beveiliging en EHBO. Same met de gemeinte, de pliesie en de brandweer bouwe we aan ein veilige aaftrap van de vastelaovend in Venlo. Idder jaor nao ut evenement wuurt d’r, same met geneumde partners, gekeke naor welke zake aangescherp of veranderd motte waere. Idder jaor waere d’r auk scenarioanalyses gemak door de kemissie, “wat als?”. Op dees wies is de organisasie op alles veurbereid. Veur ein veilige vastelaovend bliéf gastheerschap names idderein dae zich tiédes de Boètezitting inzet, veur de veiligheid en/of de vastelaovesvierders, de sleutel.

SPONSORING

De sponsorkemissie is verantwoordelijk veur sponsoring in de breidste zin van ut woord. Ut oétveure van de gemakde aafspraoke en bewaking van totale sponsoring binne de organisasie van Stichting Stadscomité BBZ.

PRODUKSIE

De produksiekemissie druug zörg veur ut ganse vergunningstraject doorlaupe, aanpasse en oétvoere same met de betreffende instansies wie de gemeinte, pliesie, brandweer en de veiligheidsregio. Auk waere alle pleine, podia, hekke, toiletgroepe en veerdere benuudighede op teikening gezat door de produksiekemissie, naodat de lokasie is bepaold in samespraok met de instansies. De versiering van de binnestad en de reclame-uutinge (in samewerking met de sponsorkemissie) waere auk geregeld door de produksiekemissie. Daobeej huure auk de opbouw en ut aafbraeke van de groeëte Jocusmutse in de stad. Tiédes ut evenement haet de kemissie ein controlerende taak en losse ze eventuele calamiteiten op.

HORECA

De horecakemissie is verantwoordelijk veur ut contac onderhalde met de horeca-ondernemers die betrókke zien beej de Boètegewoeëne Boètezitting, zoeëdet de horeca van alles op de huugte is en weej van eur. Daobeej organiseert de horecakemissie de jaorlijkse horeca informasie-aovend en de inschriéfdaag waor de horeca zich kin inschriéve veur de boéte buffette. Veur die buffette en aetpunte zien wal vergunninge nuudig, die vruug de horecakemissie aan beej de gemeinte. Auk is op de vriedaagmorge veur de Boètezitting de kemissie aanwezig beej de letste inspectieronde door de stad, same met de gemeinte, brandweer en boa’s.

PROGRAMMERING/

VREEJWILLIGERS

De programmeringkemissie is verantwoordelijk veur de algehiéle programmering op veer podia: de Mert, Parade, Poskantoér en de Zoépkoel nao de L1 oétzending. Door ut jaor haer waere heejveur dus de passende artiste benaderd. Idder podium haet namelijk auk ziene eige doelgroep, en daomei wuurt raekening gehalde. Um ut op de podia in goije bane te leide hebbe weej presentatore, bühnemeisters en artistebegeleiders nuudig. Auk deze planning en contacte waere onderhalde door de programmeringkemissie. D’r wuurt veur gezörg dat det de gezelligste groep vreejwilligers is zoëwaal veur as achter de scherme.

PR

De PR-kemissie zörg veur ut beeld wat de Boètezitting oétdruuëg naor de boétewaereld. Dit wuurt veurnamelijk gedoon door ut ónderhalde van alle social media kanale: Facebook, Instagram en YouTube en door middel van dees website. De PR-kemissie zörg d'r veur det de bezeukers van de Boètezitting betrókke bliéve beej de Boètezitting en dat auk ut letste niejs euver ós evenement naor boéte gebrach wuurt.